Кога станува збор за планирање одмор, особено со ограничен буџет, нема ништо подобро од туристички атракции што можете да ги посетите бесплатно, а компанијата „Касаго“ претстави листа на најдобрите бесплатни атракции во целиот свет.
„Касаго“, компанија за изнајмување куќи за одмор, ги користеше прегледите на „Трип адвајзер“ за да истражи кои бесплатни туристички локации имаат најмногу рецензии со пет ѕвезди.
Според нивната студија, белгискиот град Бриж е местото на најдобрата бесплатна туристичка атракција во светот. Дури 94,5 отсто од прегледите на Музејот на мини-харфа, управуван од харфистот Лук Ванлаер, се со пет ѕвезди. Овој музеј е место за интимни концерти, составен да ја воодушеви публиката со убавината на звукот на харфата.
На второто место е Националниот музеј на американските воздухопловни сили. Интернет-страницата вклучува мноштво експонати што покриваат различни епохи од историјата на американските воздухопловни сили, од раните години до ракетната галерија, а 92,85 проценти од прегледите на „Трип адвајзер“ се со пет ѕвезди.
На третото место на листата се водопадите Хорсшу, најголемите од трите водопади што ги сочинуваат Нијагарските Водопади во Канада. Со 92,7 отсто од прегледите со пет ѕвездички за оваа култна природна локација, јасно е дека водопадите Хорсшу не заостануваат.
Листата на 10 најдобри бесплатни туристички атракции во светот, според компанијата „Касаго“, ги вклучува:
– Харфистот Лук Ванлаер ‘(Музејот на мини-харфа),
Белгија
– Националниот музеј на американските воздухопловни сили, САД
– Водопадите Хорсшу, Канада
– Националниот пешадиски музеј и воен центар, САД
– Езерото Бакалар, Мексико
– Златниот храм, Индија
– Серо Фиц Рој, Аргентина
– Гробот на непознатиот војник, САД
– Австралискиот воен споменик, Австралија
– Ланта анимал велфер, Тајланд
