Поранешниот претседател Доналд Трамп е подготвен гласно и гордо да им се предаде на властите во Њујорк, изјави неговиот адвокат Џо Такопина.
За време на интервјуто во понеделникот за поткастот на Кимберли Гилфојл, Такопина рече дека ќе се води сеопфатна војна доколку окружниот обвинител на Менхетн, Алвин Брег, поднесе кривично обвинение против Трамп обвинувајќи го за кршење на законите за финансирање на кампањата со отплата во пари во 2016 година на филмската ѕвезда Сторми Даниелс. Поранешниот претседател изјави за време на викендот дека очекува да биде уапсен во вторник.
Такопина рече дека Трамп ќе одбие да се крие, без оглед на околностите, и доброволно ќе се предаде на Кривичниот суд на Менхетн во случај на судење лично.
– Во овој момент ова е сеопфатна војна“, рече Такопина, додавајќи: – Сеопфатна војна. Го сакаат на улица Центар 100? Тој ќе биде таму, гласен и горд. И нема никој што ќе го натера да се прикрие. Но, повторно да видиме каде ќе одат, да видиме каков е процесот. Сето ова е ново за сите – додаде тој.
Такопина го отфрли предлогот дека Трамп можеби ќе треба да плати кауција.
Тој тврди дека нема фактичка или правна основа за Трамп да биде обвинет предвидувајќи дека поротата ќе го прогласи поранешниот претседател невин ако случајот оди на судење.
– Искрено, не можам да верувам дека сме тука – рече Такопина.
– Тие изгледаат како да се подготвуваат да поведат обвиненија. За што ќе им биде многу жал… Нема да го добијат случајот – додаде тој.
Такопина исто така рече дека случајот „засекогаш ќе ја уништи довербата во владеењето на правото во оваа земја“.
Поранешниот адвокат на Трамп, Руди Џулијани, сугерира дека кривичното обвинение против поранешниот претседател ќе има уште поголемо влијание тврдејќи дека „тоа нешто што става крај на цивилизацијата“ во интервју за „Њузмакс“ во неделата.
Трамп ги повика своите приврзаници да протестираат и да ја вратат земјата додека во неделата напиша во објавата на „Truth Social“ дека очекува оти неговото апсење е неизбежно, што предизвика загриженост дека забелешките би можеле да поттикнат насилство од поддржувачите на Трамп.
