Бугарскиот европратеник Ангел Џамбаски, познат по антимакедонските ставови, се најде опфатен во скандал во Европскиот парламент, откако неговото одмавнување со раката кон потпретседателката на ЕП, Пина Пичерно, пред да излезе од салата за пленарни седници, беше протолкувано како нацистички поздрав.
Parce qu'il a défendu l'état de droit en ??, @sandrogozi s'est fait insulter par l'eurodéputé @djambazki, qui a quitté l'hémicycle en faisant un scandaleux salut nazi.
Tu as tout notre soutien Sandro.
Nous demandons à Mme Metsola, @EP_President, d'agir. pic.twitter.com/rIXrbB5wO1
— Renaissance (@Renaissance_UE) February 16, 2022
На гестот на бугарскиот европратеник реагираше претседателката на ЕП, Роберта Мецола, како и претседавачот на ЕПП, Манфред Вебер, кој побара Џамбаски да биде санкциониран.
– Фашистички поздрав во Европскиот парламент за мене е неприфатлив, секогаш и секаде. Ваквиот потег е дел од нашата најтемна историја и мора таму да остане – напиша Мецола на Твитер.
Набргу потоа на Твитер се огласи и Џамбаски, демантирајќи ги тврдењата дека упатил нацистички поздрав.
– Кога ќе помешате обичен поздрав со нацистички, имате вистински проблем со законот на Годвин. Тоа што некој не се согласува со тебе, не значи дека е нацист. Се извинувам ако мојот невин поздрав навреди некого, но ова е сериозен случај на доведување до апсурд – порача Џамбаски преку Твитер.
