Се зголемуваат тензиите во регионот Курдистан во Ирак, каде што владини претставници ја критикуваа Курдската работничка партија (ПКК). Ваквата реторика и новиот безбедносен договор помеѓу властите во Ербил и во Багдад, кој зазема јасен анти-ПКК став, навидум изгледаат како координиран обид за вршење на притисок врз Курдите за да ги напуштат засолништата во планините во северен Ирак, пишува „Форин полиси“.
Атентатот на граничниот претставник на Курдите на 8 октомври, за кој безбедносните сили на регионалната влада тврдат дека е извршен од страна на ПКК, и нападите врз клучен цевковод, како и врз војниците во Пешмерга на почетокот на минатиот месец, ги засилија тензиите помеѓу регионалната влада (КРГ) и ПКК. А Курдите нагласија дека немаат намера да го напуштат Ирак мирно.
Во изминатите два месеца, ПКК изврши повеќе напади врз силите на КРГ и на нејзините установи и инфраструктура. Во текот на повеќегодишната борба против Исламската држава (ИД), силите на КРГ во Ербил обучуваа илјадници сириски Курди, кои потоа ги спречуваа да се вратат дома, поради застојот во преговорите со партиите на сириските курди. Во меѓувреме сириските Курди им помогнаа на силите на КРГ да се борат против ИД.
Курдската ПКК долго време е сметана за терористичка организација од страна на САД, ЕУ и од Турција. САД во 2008 година ја истакнаа и нејзината значителна улога во криумчарењето на дрога. ПКК долго време ја користи како засолниште планината Кандил во северен Ирак, која е преку границата со Турција. А Турција во јуни ги засили нападите врз ПКК во Ирак.
Новоизбраниот американски претседател Џо Бајден се смета за политичар кој е прокурдски настроен. Неговата загриженост за Курдите наводно беше меѓу главните причини поради кои се изјасни во полза на американската инвазија на Ирак. Бајден во 2016 година ја спореди ПКК со Исламската држава, но тоа не се однесуваше на целата етничка група на Курдите. Се чини дека ПКК им наштети на многумина ирачки Курди за да биде толерирана и понатаму, заклучува „Форин полиси“.
