Околу 3.500 денари штета предизвикале засега непознати сторители по тешката кражба извршена во засега точно неутврдено време изминатата седмица во црквата света Петка во селото Луковица, информираше портпаролот на СВР Тетово Марјан Јосифовски.
Според неговите податоци случајот бил пријавен вчера околу 14 часот од страна на Л.М.(64) од Луковица. Според неговата пријава што подоцна било потврдено со полицискиот увид сторителите насилно го отстраниле катинарот од кутијата за донации од верниците што се наоѓала во дворот од црквата, по што одзеле околу 3.000 денари во разни апоени, а причиниле и материјална штета од околу 500 денари.
По извршениот увид полицијата работи на откривање на сторителите.
