Познатиот француски актер ја загуби животната битка со болеста на 89-годишна возраст. Веста за неговата смрт ја потврдија неговите деца.
Во 2019 година, актерот имаше мозочен удар кој подоцна предизвика нови здравствени проблеми, му беше дијагностициран рак.
Ален Делон беше филмска икона на 20 век. Познат по одличните улоги во бројни филмови како „Роко и неговите браќа“ и „Господарка на играта“.
По долгата кариера која му донесе многу фанови, но и дел од критичарите – францускиот актер Ален Делон зад себе остави богато филмско наследство, меѓу кои и некои од големите класици на светската кинематографија.
„Темниот“ актерски стил му го донесе прекарот „Ангелско лице“, иако репутацијата на Делон понекогаш беше нарушена поради неговиот често турбулентен приватен живот.
Тој се појави на филм во 1957 година и стана еден од најатрактивните млади француски актери Неговата прва значајна улога беше во филмот „На Сонцето“, во режија на Рене Клемент, заснован на романот на Патриша Хајсмит. Делон беше еден од најистакнатите европски актери. Тој ја доби наградата „Цезар“ за најдобар актер во 1985 година. Многумина го сметаа за секс симбол на шеесетите и седумдесетите.
Славата ја стекна со раните филмски улоги, имаше понуди од најголемите автори на европската кинематографија. Во 1960 година, италијанскиот режисер Лукино Висконти го ангажирал за улога во филмот „Роко и неговите браќа“ – длабоко социјалистичко реалистичко дело за борбите на едно семејство од рурална јужна Италија. Филмот беше награден на филмскиот фестивал во Венеција. Две години подоцна, уште попознат италијански режисер, Микеланџело Антониони, го режираше филмот „Еклипса“, во кој Делон ја играше главната улога – освојувајќи уште една голема награда од жирито на Канскиот филмски фестивал.
