Министерот за одбрана на Израел, Јоав Галант попладнево разговараше со неговиот американски колега, американскиот секретар за одбрана Лојд Остин, поради заканата од ирански напад врз Израел.
– Двајцата разговараа за намерите на Иран да го нападне Израел, воената соработка за заедничка одбрана и правото на државата Израел да се брани и да дејствува против своите непријатели – се вели во соопштение од кабинетот на Галант.
Портпаролот на ИДФ, контраадминистраторот Даниел Хагари, одржа прес-конференција на која нагласи дека очекуваниот ракетен оган од Иран најверојатно ќе биде од големи размери.
– Сериозно ја следиме заканата. Ја повикуваме јавноста да ги следи упатствата на воената Команда. Нападот од Иран би можел да биде со широк опсег – рече тој на прес-конференција.
– Кога ќе се огласи сирена, од вас се бара да влезете во заштитено подрачје и да останете таму додека не ве известиме поинаку – додава Хагари.
