Европа ќе доживее нови стратешки проблеми доколку не успее во интеграцијата на земјите од Западен Балкан, изјави денеска во Блед унгарскиот министер за надворешни работи, Петер Сијарто.
Унгарецот на Бледскиот стратешки форум рече дека западниот наратив за конфликтот во Украина не е ист во земјите кои не се на европскиот и северноамериканскиот континент. Унгарскиот министер смета дека тоа е еден вид стратешки пораз за Европа и посочува дека затоа е клучно Европа што поскоро да постигне мир во своето опкружување.
– Мислам дека сегашната ситуација мора јасно да им покаже на сите дека Европската Унија мора да ја забрза интеграцијата бидејќи колку сме поголеми, толку сме посилни – рече Сијарто.
– Ако не можеме повеќе да се интегрираме, особено Западен Балкан, нè очекуваат нови стратешки проблеми – заклучи Сијарто.
