ТЕНИС – НОВИ ТУРНИРИ НЕДЕЛАВА
Турнирите во сала на тврда подлога продолжуваат со АТП-турнирите од серијата 500 во Базел и во Виена. Новак Ѓоковиќ ќе го има својот прв настап во Базел од 2011 година, кога го освои трофејот, а тоа ќе биде емотивна недела во Базел, каде што домашната ѕвезда Стен Вавринка ќе се пензионира по одличната кариера во која стигна до третото место на ранг-листата на Асоцијацијата на тениските професионалци (ATП) и освои 16 титули, вклучувајќи три гранслем-круни, пишува АТП. На тој турнир ќе настапи и првиот носител Бен Шелтон, како и кандидатите за настап на завршниот АТП-турнир на годината во Торино, Артур Филс и Рафаел Ходар…
Александар Зверев е првиот носител на турнирот во Виена, каде што Германецот би можел првпат да стане светски број 1. Карлос Алкараз е подготвен за својот прв настап во австриската престолнина од 2021 година, а Данил Медведев и Флавио Коболи продолжуваат со потрагата по пласман на финалето на АТП. Н.М.
