Ракометниот спорт е вклучен насекаде со различни иницијативи, вклучувајќи здрав живот, развој на лидери во училиштата и животот на ракометните здруженија и многу повеќе, а во соработка со Ракометната федерација на Шведска, пишува ИХФ
СВЕТСКО ПРВЕНСТВО
Шведскиот град Малме е еден од деветте града домаќини на Светското првенство за мажи годинава, при што арената „Малме“ беше домаќин на натпреварите од прелиминарната група Х, главната група четири, а таму ќе се игра и финалниот дуел. Но, како и многу градови домаќини, се случува повеќе од само најдобрите светски ракометни спортисти што се натпреваруваат на теренот 60 минути.
Градот Малме работи во рамките на глобалните цели на Агендата 2030 на Обединетите нации (ОН) за создавање одржливо СП што обезбедува долгорочни ефекти. Имајќи го ова на ум и користејќи го своето време на глобалната ракометна сцена, градот Малме се фокусира на голем број активности поврзани со првенството. Така, ракометниот спорт е вклучен насекаде со различни иницијативи, вклучувајќи здрав живот, развој на лидери во училиштата и животот на ракометните здруженија и многу повеќе, а во соработка со Ракометната федерација на Шведска, пишува на официјалната страница на Интернационалната ракометна федерација (ИХФ).
Параракометот со тренинзи, игри и регионален параракомет со камп и турнир, исто така, беа вклучени, како и специјални места за состаноци и забавни зони за младите да бидат дел од настанот без да мора да купат билет. Овие области вклучуваат играње видеоигри, фотографирање, вежбање ракометни вештини и правење разни нешта. Сите овие можности што се нудат имаат цел да ги направат децата поактивни, да ја зголемат нивната интеракција и да им помогнат да водат поактивно слободно време со чувство на припадност и заедништво. Училиштен проект беше дел од фестивалот „Ден на малиот светски шампионат“. Вкупно 1.400 ученици на возраст од 8 до 12 години од 20 училишта од социјално загрозените подрачја присуствуваа на дводневниот настан на кој децата играа мини-ракомет во мешани тимови и пробуваа различни активности.
На училишните часови им беше доделен распоред од четири часа, ротирајќи околу седум места со мини-ракометни игралишта и различни области за активности.
На настанот присуствуваа првиот потпретседател на ИХФ, Жоел Делпланк, и благајничката на ИХФ, Ана Рап, како претставници на СП 2023, а во еден од проектите е вклучен и поранешниот шведски машки селектор Ингмар Линел.
– Бев среќен што ги видов сите деца што учествуваат. Беше важно да присуствуваме за да видиме што се случува низ СП и да ги покажеме нашата поддршка и интерес. Многу деца сигурно ќе почнат да играат ракомет по гледањето ѕвездени играчи на ТВ и во арената, а потоа ќе добијат можност да се обидат да играат и сами. Се надеваме дека тоа значи дека многу деца ќе почнат да играат тимски спортови, придружени со добри вредности и добро здравје – изјави Рап за ИХФ, која беше избрана за најдобра шведски ракометарка во 1999 година, а беше и селекторка на женската јуниорска репрезентација на Шведска. Г.И.
