Домување
Двојките што сакаат да внесат страст во својата спална соба треба да обрнат внимание на боите во оваа соба и да изберат топли бои како црвена, портокалова или жолта. Оваа палета на бои одговара на луѓе што не се плашат да ја изразат својата личност. Лаура Серано, експертка за фенг шуи, открива како да ја внесете најдобрата енергија во просторот користејќи ја „теоријата на пет елементи“. Оваа теорија се заснова на идејата дека боите поврзани со петте елементи – оган, земја, метал, вода и дрво – можат да задоволат различни аспирации и потреби.
Оган за страст и динамика: За оние што сакаат да го зачинат својот љубовен живот, црвените тонови, кои го претставуваат елементот оган, се идеален избор. Овие бои носат енергија, динамика и чувство на живост, што е совршено за двојки што сакаат поголема возбуда во креветот.
Земја за стабилност и мир: Сигурните и грижливи луѓе, кои ја ценат удобноста, најдобро ќе се чувствуваат опкружени со земјени тонови како беж и крем-нијанси. Овие бои создаваат впечаток на грижа и стабилна атмосфера, совршена за квалитетен одмор и релаксација.
Метал за самодоверба: Луѓето што сакаат да ја подобрат својата комуникација треба да ги земат предвид металните тонови, како што се среброто, бакарот или бронзата. Додавањето на овие нијанси во спалната соба може да ја зголеми самодовербата и да го промовира изразувањето на желбите и потребите.
Вода за подлабоко поврзување: Елементот вода, кој се рефлектира во сини и зелени тонови, поттикнува подлабока поврзаност меѓу партнерите. Овие бои можете да ги внесете во спалната соба преку детали како што се килими, слики или бои на ѕидови.
Дрво за поддршка и рамнотежа: За флексибилни и одлучни поединци, зелената и кафената, кои го симболизираат елементот на дрвото, се совршен избор. Овие нијанси ги подобруваат меѓусебната поддршка и хармонијата и поттикнуваат подобар однос со себе и со партнерот.
