Домување
Првите студени денови од есента се најдобриот период кога треба да се занимавате со мали зафати што ќе придонесат за подобро загревање во текот на зимата. Тоа значи дека треба да проверите дали вратите и прозорците правилно се затвораат, а доколку забележите дека има провев кај некои од нив, треба да залепите сунѓерски ленти или да повикате мајстори за да ја поправат столаријата каде што има поголеми отстапувања. Доколку имате ПВЦ-столарија, префрлете го механизмот во „зимска положба“ и лесно ќе проверите дали прозорците се затвораат поцврсто отколку во лето.
Сега фокусирајте се на радијаторите. Прво, важно е да проверите дали во нив случајно нема „приклучок за воздух“. Тоа спречува топлата вода да го наполни целиот радијатор. Затоа, одвртете го вентилот на радијаторот и држете го додека не слушнете звук на пиштење. Кога ќе се појават првите капки вода, затворете го – ова е знак дека целиот воздух излегол.
Друга работа што треба да се заврши е да поставите алуминиумска фолија зад радијаторот. Таа ќе ја рефлектира топлината кон просторијата, но погрижете се фолијата да има и изолациски слој на страната што ја прикачувате на ѕидот.
На крајот, погрижете се да го тргнете мебелот подалеку од сите радијатори, за да има доволно простор топлината што полесно да се шири низ куќата.
