Во врска со пожарите кои ја зафатија Грција, информираме дека заклучно со денешниот ден, тројца државјани на Република Македонија ја контактирале нашата Амбасада во Атина, информираат од МНР и додаваат дека истите се наоѓаат на безбедно место, на грчкиот остров Родос.
– Дипломатско-конзуларните претставништва на Северна Македонија во Грција, продолжуваат да бидат во постојана комуникација со надлежните институции на Грција. Уште еднаш упатуваме апел да се избегнува туристичко или било какво друго патување во загрозените подрачја – велат од МНР.
На граѓаните за повеќе информации, на располагање им се СОС телефонот на МНР 075/ 273- 732 и дежурните телефони на Амбасадата во Атина +306944743071 и Генералниот конзулат во Солун + 30 6987200410.
