Меѓународната агенција за атомска енергија (МААЕ) соопшти дека стапи на сила локален прекин на огнот околу нуклеарната централа Запорожје, за да се овозможат поправки на надворешното напојување со електрична енергија.
Централата е без струја од 20 август и се потпира на дизел генератори за ладење на системите. Залихите на гориво се намалуваат и постои ризик генераторите да престанат со работа во рок од неколку дена, освен ако не се обезбеди ново снабдување или повторно приклучување на мрежата.
Според МААЕ, украинските техничари ќе започнат со поправки на линијата откако областа ќе биде разминирана. Директорот Рафаел Гроси нагласи дека „обете страни конструктивно соработуваа со агенцијата за да се обезбеди нуклеарна безбедност“.
