Храна што треба да ја јадете ако имате висок холестерол
Овесната каша со бадеми и малини е полна со влакна. Варениот грав е добар извор на влакна. Наутот е богат со диетални влакна. Диететските влакна се вид на јаглехидрати што се наоѓаат во растителната храна што човечкото тело не може да ги вари. Сепак, тие играат важна улога во здравјето на луѓето и треба редовно да ги консумираме.
Го подобруваат варењето
Диететските влакна го подобруваат варењето, го промовираат здравјето на цревата, го балансираат нивото на шеќер во крвта, го намалуваат нивото на лош холестерол, помагаат во контролата на телесната маса, помагаат во превенцијата од болести на срцето и крвните садови.
Човекот треба да консумира помеѓу 20 и 30 грама диететски влакна дневно, но малкумина успеваат да го постигнат ова. Постојат многу причини за тоа – некои уживаат во исхрана базирана на преработена храна на која ѝ недостигаат влакна, додека други се фокусираат на протеини и не знаат колку се важни влакната за нивниот живот. Повеќето не се доволно информирани за нивните нутритивни потреби.
Диететски влакна
Еве ги намирниците што треба почесто да ги вклучувате во вашето мени ако сакате да ги задоволите вашите дневни потреби за растителни влакна.
Мешунки: Во менито внесете мешунки како што се варен наут, леќа, грав и грашок. Овие намирници се богати со растителни влакна – во 100 грама варен наут, на пример, има околу 8 грама растителни влакна – што е околу една третина од вашите дневни потреби.
Интегрални житарки: Интегралните житарки се одличен извор на растителни влакна – јадете овесна каша или варен јачмен. Можете да ги најдете и во некои преработени производи како што се интегрални тестенини или интегрален леб.
Пуканките, на пример, се одличен извор на растителни влакна, а во 100 грама (печени) пуканки ќе најдете помеѓу 10 и 15 грама растителни влакна.
Семиња
Семињата се исто така одличен извор на диететски влакна, особено семето од чиа, ленено семе и семки од тиква, кои исто така содржат значително количество на омега-3 масни киселини и други хранливи материи. Во 100 грама семе од чиа ќе најдете дури 34 грама влакна.
Јаткасти плодови: За здрава исхрана се препорачува умерено консумирање јаткасти плодови. Порција бадеми од, на пример, 30 грама има малку помалку од 4 грама протеини, додека истото количество лешници и ф’стаци имаат околу три грама влакна.
Овошје и зеленчук
Бобинките како малините и капините се добри извори на диететски влакна. Исто така, можете да најдете значителни количества во маракујата, авокадото и крушите. Кога станува збор за зеленчук, на вашето мени почесто ставајте артичоки, зелен лиснат зеленчук, брокула и бриселско зелје.
