ПАМЕТНА ХИДРАТАЦИЈА
Ако сте едни од оние луѓе што оставаат чаша вода на ноќната масичка и редовно ја пијат сè додека не го исклучат светлото, можеби тоа е причината за непроспиените ноќи. Експертите предупредуваат дека пиењето премногу течности навечер може да биде причина за повеќе будења, прекинат сон и чувство на замор наутро, дури и ако се поминати доволно часови во кревет.
Чаша вода на ноќната масичка веќе е рутина за многумина, таа е таму „за секој случај“ ако ожеднеме среде ноќ. Се чини дека не треба да станувате од кревет и така нема да го прекинувате сонот. Сепак, пиењето премногу вода пред спиење може да има спротивен ефект и сериозно да го наруши квалитетот на ноќниот одмор. Идеално, велат лекарите, треба да престанете да пиете вода приближно од два до три часа пред спиење, а некои препорачуваат интервал од три до четири часа, во зависност од тоа кога одите на спиење.
На тој начин телото има време да ја искористи внесената течност, а мочниот меур нема да се наполни токму кога ќе потонете во подлабоките фази на спиење. Ако сè уште сте жедни, неколку мали голтки се во ред, многу е поважно да пиете доволно вода во текот на денот отколку да го спасите денот со две чаши по ред. Пиењето вода пред спиење може да ви го наруши сонот, но и да ве натера да одите во тоалет среде ноќ, што воопшто не е здраво за квалитетот на вашиот сон.
Наједноставното правило е: пијте вода попаметно, не мора повеќе. Фокусирајте се на утрото и првиот дел од денот, кога хидратацијата помага да се разбуди вашето тело, а навечер постепено забавете го темпото. Така, ќе комбинирате две клучни работи за добро функционирање – добра хидратација и цврст непрекинат сон. За мирен сон, покорисно е да испиете голема чаша вода штом ќе се разбудите, а уште подобро е ако во неа исцедите лимон.
