Домување
Омекнувач на ткаенини не се користи бидејќи ја намалува апсорпцијата на крпите. Правилно перење и сушење ги зачувуваат нивната мекост и издржливост. Мали трикови како лавандата прават голема разлика во свежината… Бакингемската палата има многу јасни правила кога станува збор за одржување на хигиената на крпите, кои секогаш мора да бидат совршено меки, свежи, пријатни и мирисливи. Зад тоа стојат едноставни, но внимателно осмислени трикови, кои лесно можете да ги примените дома ако сакате вашите крпи да имаат „кралски третман“. Ен Симонс, која со години работела во Бакингемската палата како членка на персоналот, споделила кралски трик што овозможува нивните крпи да останат меки, впивливи и како нови со години.
Не користете омекнувач: Во Бакингемската палата омекнувачот не се користи за перење крпи, бидејќи остава филм на влакната и ја намалува нивната апсорпција. Како што објасни Ен Симонс, повеќе омекнувач не значи помеки крпи – напротив, тие стануваат помалку функционални. Наместо тоа, користете половина чаша бел оцет, кој е природна, ефикасна и многу економична замена за омекнувач.
Крпите се перат одделно од облеката: Едно од основните правила во палатата е дека крпите никогаш не се перат заедно со облеката. На тој начин се избегнува оштетување на влакната од патентите, копчињата и куките, како и проблемот со различните температури на перење. Перењето на крпите одделно го продолжува нивниот век на траење и го зачувува нивниот квалитет.
Сушењето е исто толку важно како и перењето: По перењето, добро протресете ја секоја крпа за да ги олабавите влакната и да спречите нивно стврднување. Крпите во палатата првенствено се сушат природно, на воздух, со цел да се зачува структурата на материјалот. Сушалката се користи ретко и внимателно – само на најблагата програма, со додавање тениско топче, кое спречува згрутчување.
Дури и методот на редење е важен: Уште еден мал детаљ прави голема разлика. Крпите никогаш не се превиткуваат додека се топли, бидејќи тоа ја задржува влагата внатре. Соодветната постапка вклучува прво целосно да се изладат, потоа да се редат и да се додадат ќесички лаванда меѓу нив, кои обезбедуваат долготрајно чувство на свежина и мек луксузен мирис.
Тајната на совршените крпи не лежи во скапите производи, туку во едноставни и природни методи. Со неколку мали промени, и вашите крпи може да станат меки, долготрајни и мирисливи како во кралска палата.
