Утрешниот ден ќе донесе променливо облачно време со сончеви интервали. На одредени места постојат услови за појава на слаб снег. Ќе дува умерен ветер, а долж Повардарието повремено ќе биде засилен од северен правец, достигнувајќи брзина над 60 километри на час.
Според информациите од УХМР, за време на викендот ќе преовладува засилен северен ветер, а утре повторно ќе има можност за провејување слаб снег. Од недела се очекува стабилизирање на времето и пораст на дневните температури.
Во текот на следната недела минималните температури ќе се движат од -4 до 8 степени, додека максималните ќе достигнуваат меѓу 8 и 20 степени.
