- За ранобудниците, на пример, раното попладневно спиење подолго од 30 минути ќе биде побогато со рехабилитирачко длабоко спиење со бавни бранови (СВС) отколку со РЕМ-спиење. За ноќните птици, истото спиење во исто време ќе биде побогато со РЕМ отколку со длабок сон
Брис Фаро, невронаучник во Центарот за спиење во Париз, нагласува дека попладневното спиење не мора да биде долгo за да биде корисно. Тој советува да ја приспособите должината на спиењето на својот хронотип, односно во зависност од тоа дали сте ранобудник или ноќна птица.
– За ранобудниците, на пример, раното попладневно спиење подолго од 30 минути ќе биде побогато со рехабилитирачко длабоко спиење со бавни бранови (СВС) отколку со РЕМ-спиење. За ноќните птици, истото спиење во исто време ќе биде побогато со РЕМ отколку со длабок сон. Враќајќи го сонот на клеточно ниво, ноќните птици би требало да ја одложат дремката што е можно подоцна попладне, но исто така да се потрудат да остават разлика од најмалку шест часа помеѓу попладневното и ноќното спиење – објасни овој научник.
Кафето ќе ве спречи да потонете во длабок сон
Ако сакате да дремнете и да се наполните со енергија, но сепак сакате да избегнете инерција што доаѓа по спиењето, важно е целосно да го избегнувате длабокото СВС-спиење, а тоа е едноставно – треба само кратко да дремнете и да имате полесно спиење.
– Напијте се кафе непосредно пред да заспиете. Имено, на кофеинот му се потребни околу 20 минути за да се активира, па кафето ќе ве спречи да потонете во длабок сон. Исто така, комбинацијата на кофеин и дремка ги подобрува когнитивната функција и будноста повеќе од што било друго – вели Брис Фару.
Тој додава дека дремењето секогаш треба да се практикува бидејќи го зајакнува имунитетот и на тој начин му овозможува на организмот да се справи полесно со болестите.
Предности на 10-минутното спиење
Кои се предностите на 10-минутното спиење: ќе се чувствувате освежено и идеално пред важен состанок. Многу е ефикасно во борбата против сонливост – ги стимулира когнитивните способности на краток рок (два часа).
Кои се, пак, недостатоците? Овој метод не помага при значителен недостиг од сон и хроничен замор.
Предностите на спиењето во траење од 20 до 30 минути се следните: ја промовира будноста, ги ублажува болките, го намалува стресот, го зајакнува имунитетот, го намалува ризикот од кардиоваскуларни болести, а недостатоците се тоа што може да предизвика сонливост во следните половина час по будењето. Покрај тоа, ви се потребни најмалку од 30 до 40 минути, вклучувајќи го времето потребно за да заспиете.
Предности на дремката со траење од еден до два часа се: ги подобрува будноста и когнитивните способности во следните пет часа, придонесува за подобро паметење, ја зајакнува креативноста и го зајакнува имунитетот, а недостатоци се тоа што еден до два часа сон во текот на денот може да резултира со инерција, отсуство на волја за движење и работа.
Исто така, оваа навика може да го наруши ритамот на спиење и будење кај лица постари од 60 години, да предизвика пад на когнитивните способности и да го зголеми ризикот од кардиоваскуларни болести.
