ФИФА
- ФИФА ќе избере најдобри фудбалери, голмани и тренери, во машка и во женска конкуренција, најдобрите 11 за жени и за мажи… Гласањето трае до 28 ноември
Светската фудбалска федерација (ФИФА) ја поканува глобалната фудбалска заедница да помогне во одлучувањето кои од водечките ѕвезди треба да бидат номинирани за наградите за најдобри на ФИФА, која ќе избере најдобри фудбалери, голмани и тренери, во машка и во женска конкуренција, најдобрите 11 на ФИФА за жени и за мажи, а наградата за навивачи на ФИФА ќе се додели на поединец или група поединци што направиле сѐ што е потребно за да ја покажат својата љубов и страст кон играта, пишува ФИФА. Во гласањето ќе учествуваат селекторите и капитените на сите 211 репрезентации на членките на ФИФА, претставници на медиумите и навивачи регистрирани на интернет-страницата на ФИФА. Сите ќе можат да изберат по три кандидати за секоја од трите награди главни. Гласовите на селекторите, капитените, специјализираните новинари и навивачите ќе сочинуваат по 25 насто од анкетата, без оглед на бројот на гласачи во секоја група,, а гласањето ќе трае до 23.59 часот на 28 ноември годинава, објави ФИФА.
Номинирани за најдобра фудбалерка: Сенди Балтимор (Франција и Челси) (Натали Бјорн (Шведска и Челси), Аитана Бонмати (Шпанија и Барселона), Луси Бронз (Англија и Челси), Мариона Калдентеј (Шпанија и Арсенал), Темва Чавинга (Малави и Канзас сити), Дијани Кадидијату (Франција и Лион), Мелчи Думорнеј (Хаити и Лион), Патри Гијаро (Шпанија и Барселона), Линдзи Хипс (САД и Лион), Лорен Џејмс (Англија и Челси), Клое Кели (Англија и Манчестер сити/Арсенал), Ева Пајор (Полска и Барселона), Клаудија Пина (Шпанија и Барселона), Алексија Путелас (Шпанија и Барселона), Алесија Русо (Англија и Арсенал), Лија Вилијамсон (Англија и Арсенал).
Номинирани за најдобар фудбалер: Осман Дембеле (Франција и ПСЖ), Ашраф Хакими (Мароко и ПСЖ), Хари Кејн (Англија и Баерн), Килијан Мбапе (Франција и Реал Мадрид), Нуно Мендес (Португалија и ПСЖ), Кол Палмер (Англија и Челси), Педри (Шпанија и Барселона), Рафиња (Бразил и Барселона), Мохамед Салах (Египет и Ливерпул), Витиња (Португалија и ПСЖ), Ламин Јамал (Шпанија и Барселона).
Номинирани за најдобар тренер за жени: Соња Бомпастор (Челси), Џонатан Жиралдез (Вашингтон/Лион), Себ Хајнс (Орландо), Рене Слеџерс (Арсенал), Сарина Вигман (Англија). Номинирани за најдобар тренер за мажи: Хавиер Агире (Мексико), Микел Артета (Арсенал), Луис Енрике (ПСЖ), Ханси Флик (Барселона), Енцо Мареска (Челси), Роберто Мартинез (Португалија), Арне Слот (Ливерпул).
Номинирани за најдобра голманка: Ан-Катрин Бергер (Германија и Готам), Ката Кол (Шпанија и Барселона), Кистијан Ендлер (Чиле и Лион), Хана Хемптон (Англија и Челси), Ана Мурхаус (Англија и Орландо), Кијамака Надозие (Нигерија и ФК Париз/Брајтон), Фалон Тулис-Џојс (САД и Манчестер јунајтед). Номинирани за најдобар голман: Алисон Бекер (Бразил и Ливерпул), Тибо Куртоа (Белгија и Реал Мадрид), Џанлуиџи Донарума (Италија и ПСЖ/Манчестер сити), Емилијано Мартинез (Аргентина и Астон вила), Мануел Ноер (Германија и Баерн), Давид Раја (Шпанија и Арсенал), Јан Сомер (Швајцарија и Интер), Војчех Шченсни (Полска и Барселона). Н.М.
