- На Зимските олимписки игри в година спортистите и членовите на нивната придружба ќе имаат корист од зајакнат сет на услуги дизајнирани да ја промовираат менталната благосостојба, да спречат проблеми пред да се појават и да обезбедат грижа секогаш кога е потребно, пишува ИОК
Спортистите што ќе се натпреваруваат на Зимските олимписки игри (ЗОИ) во Милано и во Кортина д`Ампецо в година можат да очекуваат исто високо ниво на поддршка за менталното здравје и заштита како што имаше на Летните олимписки игри лани во Париз, најсеопфатната програма од ваков вид досега имплементирана на голем спортски настан, пишува Интернационалниот олимписки комитет (ИОК). Овие мерки, приспособени на уникатните барања на ЗОИ, вклучуваат наменски зони на умот во секое Олимписко село, простори дизајнирани да им помогнат на спортистите да се декомпресираат, да се наполнат со енергија и да се чувствуваат поддржано, пишува ИОК.
Со приближувањето на Светскиот ден на менталното здравје, ИОК ја потврдува својата посветеност на благосостојбата на спортистите, осигурувајќи дека секој натпреварувач се чувствува безбедно, поддржано и оснажено во текот на неговото олимписко патување. На ЗОИ 2026 спортистите и членовите на нивната придружба ќе имаат корист од зајакнат сет на услуги дизајнирани да ја промовираат менталната благосостојба, да спречат проблеми пред да се појават и да обезбедат грижа секогаш кога е потребно, пишува ИОК.
Клучните иницијативи вклучуваат систем за заштита од сајбер-злоупотреба, зона на умот (мирен простор за полнење енергија, вежбање свесност и пристап до доверлива поддршка), телефонска линија за помош, официјални лица за благосостојба, пишува ИОК. Заедно, овие мерки имаат цел да поттикнат безбедна и поддржувачка средина за сите спортисти и нивната придружба на ЗОИ 2026. Посветеноста на ИОК кон благосостојбата на спортистите се протега и надвор од времето на Игрите. Во 2023 година, ИОК го почна својот Акциски план за ментално здравје, сеопфатен план дизајниран да ја промовира менталната благосостојба во спортот. За да им обезбеди на организаторите јасни рамки за заштита на учесниците пред, за време и по натпреварот, Интернационалниот олимписки комитет ги објави и своите упатства за ментално здравје за големи спортски настани, пишува ИОК. Н.М.
