Администрацијата на американскиот претседател Доналд Трамп спроведува проверки на биографијата на повеќе од 55 милиони луѓе со важечки визи во САД за да утврди дали постојат одредени прекршувања што би можеле да доведат до нивна депортација.
Овој потег, означува заострување на мерките против странците на кои им е дозволено да останат во Соединетите Држави – објави агенцијата АП.
Стејт департментот ѝ соопшти на агенцијата дека сите носители на американски визи, вклучително и туристи од многу земји, се предмет на постојани проверки за да се утврдат какви било индикации дека немаат право да добијат дозвола за влез или престој во Соединетите Држави.
Според податоци од американската имиграциска служба од јануари, на списокот за депортација се и државјани од Западен Балкан – меѓу нив 341 од Македонија, 185 од Босна и Херцеговина, 126 од Хрватска, 118 од Косово, 68 од Црна Гора, 50 од Србија и 16 од Словенија, како и 845 лица заведени под поранешна Југославија.
Вкупно, 1.445.549 странски државјани со конечни решенија за отстранување се водат како „незатворени случаи“, што значи дека дел се на слобода додека траат постапките.
Доколку се откријат такви информации, нивните визи ќе бидат одземени и тие ќе бидат депортирани. Откако претседателот Доналд Трамп ја презеде функцијата, неговата администрација се фокусираше на депортирање на нелегални имигранти во Соединетите Држави, како и на носители на студентски визи.
Новата мерка на Стејт департментот укажува дека тековниот процес на контрола е многу поприсутен и може да значи дека дури и на оние на кои им е дадена дозвола за престој во Соединетите Држави може нагло да им биде одземена дозволата – објавуви АП.
