Мултимилијардерот Илон Маск верува дека вештачката интелигенција може да ги остави сите без работа. Според него, вештачката интелигенција би можела да стане најразорната сила во историјата. Тој посочи дека ќе ја доведе во прашање самата смисла на животот. За вештачката интелигенција, Маск зборуваше во „Ланкастер хаус“, официјалната резиденција на Велика Британија.
– За првпат ќе имаме нешто попаметно од најпаметниот човек. Тешко е да се каже точно кога ќе се случи тоа, но ќе дојде момент кога работата нема да биде потребна. Ќе можете да имате работа, но ако сакате да имате работа за лично задоволство. Но вештачката интелигенција ќе може да направи сѐ – рече Маск.
На шега рече дека не знае дали на луѓето ќе им биде удобно или непријатно поради тоа. Тој очекува дека вештачката интелигенција ќе направи многу работи остварливи и дека нема да има ограничувања. Тој истакна дека ова е и добро и лошо, и дека поради тоа еден од предизвиците ќе биде како да се најде смислата на животот.
Маск постојано предупредуваше за заканите од вештачката интелигенција. Во една пригода рече дека таа може да биде поопасна од нуклеарното оружје, пренесува американскиот деловен портал „Си-ен-би-си“.
