Облак од портокалова прашина го прекри Багдад, по што десетици луѓе побарале помош во болница. Поради намалена видливост, прекинати се и летовите. Снимките од улиците на Багдад покажуваат како целиот град е обвиен во портокалова, нереална боја.
Прашината продрела и во куќите, па во централниот и западниот дел од земјава неколку десетици лица биле сместени во болница поради респираторни проблеми.
Болниците во Наџаф примиле 63 лица кои имале респираторни проблеми, а повеќето од нив ја напуштиле болницата откако добиле помош.
Во провинцијата Анбар, на западот на земјата, уште 30 лица се јавиле во болниците, пренесува „Гардијан“.
Видливоста е помала од 500 метри. Според метеоролозите, денеска се очекува пустинска бура.
