На „Септемврискиот коњички турнир“ и на 2-то коло од Отвореното првенство на Македонија во прескокнување пречки, таа повторно беше најуспешна со две победи (класа Ц и Б) и со едно второ место (класа Б)
КОЊИЧКИ СПОРТ
Младата членка на КК Процес, Меланија Атанасовска (15), продолжува со своето шоу во коњичките натпревари во прескокнување пречки. По „Августовскиот коњички турнир“ и првото коло на Отвореното првенство на Македонија за годинава (оствари две победи и две втори места), таа изминатава сабота повторно доминираше со грлата Дон и Калатус. На „Септемврискиот коњички турнир“ и на 2-коло од Отвореното првенство на Македонија во прескокнување пречки, таа беше најуспешна со две победи (класа Ц и Б) и со едно второ место (класа Б).
Меѓу најдобропласираните тројца по двапати се најдоа Дарио Гроздановски (со по едно прво и второ место) и Елена Димитријова (двапати трета), а еднаш победи и Самир Реџепи.
Според календарот на Федерацијата за коњички спорт на Македонија, на програмата беа четири натпревари во прескокнување пречки (класи А, Б, Ц и Д), со висина од 0,80 до 1,15 м, кои беа во организација на КК Процес, а се одржаа во Маџари (Скопје). Вкупно треба да се одржат четири првенствени кола.
Според календарот на Федерацијата за коњички спорт на Македонија, на програмата беа четири натпревари во прескокнување пречки (класи А, Б, Ц и Д), со висина од 0,80 до 1,15 м, кои беа во организација на КК Процес, а се одржаа во Маџари (Скопје). Вкупно треба да се одржат четири првенствени кола.
