Гостиварската полиција расчисти 20 кражби извршени во овој град и до Основното јавно обвинителство поднесе три кривични пријави против 35-годишен гостиварец поради сомнение дека сторил 16 тешки кражби и 4 кражби.
Гостиварецот се сомничи дека во периодот од февруари до октомври годинава со употреба на сила влегувал во куќи и моторни возила во Гостивар, од кои одземал разни предмети: телевизори, работни машини, алат итн.
Од МВР информираат дека најголемиот број од одземените предмети се пронајдени и им се вратени на сопствениците.
