Техно
Деталите за кредитните картички и телефонските пораки може лесно да бидат пресретнати од криминалци доколку направите вообичаена грешка за време на годишните одмори, предупредуваат експертите. Измамниците ги празнат банкарските сметки на туристите со пристап до деталите за кредитните картички, па дури и до нивните пораки, но постојат неколку клучни трика што ќе ви помогнат да се заштитите од сајбер-криминалците додека сте на одмор, велат експертите зад антивирусниот софтвер Мекафи.
Кога ќе се поврзете на веб-локација, информациите патуваат од вашиот уред до таа веб-локација, а тоа може да вклучува чувствителни информации како што се најавувања на банкарска сметка, е-пошта или социјални медиуми.
Оние што користат јавни вифи-мрежи треба двојно да проверат дали врската е шифрирана.
– Побарајте го симболот за катанец или https во лентата за адреси лево од адресата на веб-локацијата. Ова функционира и на мобилен прелистувач. Се разбира, иако знакот за катанец не гарантира дека сте безбедни на веб-локацијата, сепак обезбедува удобност дека сè што правите таму не е автоматски собрано и складирано којзнае каде – велат од Мекафи и исто така ги советуваат патниците да бидат претпазливи од претерано споделување фотографии од одмор на социјалните мрежи.
Објавувањето на вашата локација во реално време или споделувањето детали за маршрутата за патување може да ве направи цел на провалници и сајбер-криминалци. Размислете и почекајте со објавувањето на ажурирањата за патувањето додека не се вратите дома.
