Основното јавно обвинителство Гостивар донесе наредба за спроведување истражна постапка против осомничен за кривично дело убиство во обид, како и неовластено изработување, држење, посредување и тргување со оружје или експлозивни материи.
Како што информира ОЈО, осомничениот вчера со пиштол, кој го поседувал без дозвола, се обидел да лиши од живот лице кое дошло во неговата продавница за автомобилски делови за да го поправи возилото.
– Околу поправката настанала вербална расправија меѓу нив, по што оштетениот го турнал осомничениот кон возилото со цел да го натера да му го поправи. Но, осомничениот влегол во куќата и револтиран го зел пиштолот “Црвена застава” со калибар 7,65 мм што го поседувал неовластено и испукал проектил кон оштетениот. Не го погодил, а куршумот завршил во вратата на возилото – информира ОЈО.
Бидејќи постојат законските основи, јавен обвинител до судијата на претходна постапка од Основниот суд во Гостивар поднесе предлог за определување мерка притвор за осомничениот.
