УЕФА го казни Милан со 12 милиони евра за кршење на правилата за финансиски фер-плеј.
Казната беше објавена еден ден по елиминацијата на Милан од групите на Лига Европа. Дванаесет милиони евра ќе бидат одземени од паричната награда на Милан од наградниот фонд на турнирот.
Италијанскиот клуб нема право да пријави повеќе од 21 играчи за Европа во следните две сезони, а му се заканува и исфрлање од еврокуповите на една сезона, ако не воспостави ред во финансиското работење до јуни 2021 година.
Санкцијата е поради потрошените огромни средства за нови играчи и плати во 2017 година, кои не одговараат на приходите на клубот.
