Од првопласираните девет тима неделава меѓу себе ќе играат Ливерпул – Баер, Спортинг – Манчестер сити и Интер – Арсенал. Водечката Астон вила гостува кај Клуб Бриж
ФУДБАЛ
Годинашната фудбалска Лига на шампионите неделава ќе стигне до половина пат од новата лигашка фаза, со мечевите од четвртото коло, во кое ќе има многу дуели на тимовите од врвот. Астон вила и Ливерпул се единствените екипи по првите три кола што не загубија ниту еден бод. По нив на табелата се седум тима со по седум бода, и тоа Манчестер сити, Монако, Брест, Баер, Интер, Спортинг и Арсенал.
Од клубовите со максимално постигнување по три кола, Астон вила гостува кај Клуб Бриж (досега освои три бода), а Ливерпул игра дерби-меч дома со Баер. Од другите тимови во врвот меѓу себе играат Спортинг и Манчестер сити, како и Интер – Арсенал, а два гостуваат, и тоа Монако кај Болоња (еден бод) и Брест кај Спарта Прага (четири бода). Неделава ќе има и репризен дуел на некогашно финале, Реал Мадрид – Милан (играа меѓу себе во мечот за титулата во 1958 година).
Тимовите за кои настапуваат фудбалери од Македонија во ова коло гостуваат, и тоа Џирона кај ПСВ Ајндховен, Динамо Загреб кај Слован и Лајпциг кај Селтик.
Денеска играат ПСВ Ајндховен – Џирона, Слован Братислава – Динамо Загреб (двата меча од 18.45 часот), Болоња – Монако, Борусија Дортмунд – Штурм, Селтик – Лајпциг, Ливерпул – Баер, Лил – Јувентус, Реал Мадрид – Милан и Спортинг – Манчестер сити (сите од 21 часот). Двојките за утре се Клуб Бриж – Астон вила, Шахтер – Јанг бојс (двете средби од 18.45 часот), Спарта Прага – Брест, Баерн – Бенфика, Интер – Арсенал, Феенорд – Салцбург, Црвена звезда – Барселона, Пари сен Жермен – Атлетико Мадрид и Штутгарт – Аталанта (сите од 21 часот).
Табела: Астон Вила и Ливерпул по девет бода, Манчестер сити, Монако, Брест, Баер, Интер, Спортинг и Арсенал по седум, Барселона, Борусија Дортмунд, Реал Мадрид, Бенфика, Јувентус, Лил и Феенорд по шест, Аталанта пет, Штутгарт, Пари сен Жермен, Селтик, Спарта Прага и Динамо Загреб по четири, Баерн, Џирона, Милано, Клуб Бриж и Атлетико Мадрид по три, ПСВ Ајндховен два, Болоња и Шахтер по еден, Лајпциг, Штурм, Црвена звезда, Салцбург, Јанг бојс и Слован без бодови. Н.М.
