Медицински совет
Цревниот микробиом на секој човек е уникатен како и неговиот отпечаток од прст и нешто што никој не треба да го игнорира ако сака да живее поздрав и посреќен живот. Причината е што е составен од трилиони микроби, кои реагираат на она со кое ги храниме, вели д-р Федерика Амати, нутриционистка.
Дел од она што го прави цревниот микробиом уникатен зависи од генетиката, но само во ограничена мера. Не можете да ги промените вашите гени, но со внесување храна што е поврзана со „добрите“ микроби, можете да го промените вашиот микробиом. Придобивките често може да се почувствуваат во рок од неколку дена. Јадењето погрешна храна, пак, може да ги наруши микробиомот и здравјето на цревата. Накратко, тоа е ултраобработена храна и содржи голем број адитиви, како конзерванси, засладувачи и вештачки бои и ароми: колбаси, медалјони од пилешко, леб од масовно производство, мусли или снегулки со додаден шеќер, бисквити, јогурти со додаден шеќер, инстант супи, сладолед и чипс.
– Избегнувајте сѐ што има долга листа на состојки, вклучувајќи газирани сокови, разни тестенини со сосови и супи, солени грицки и преработена храна – советуваат нутриционистите.
Видовите на масла што се користат за пржење – рафинирани масла од семиња како сончоглед, канола, пченка или соја – се многу оштетени од процесот на рафинирање. Исто така, тие содржат многу омега-6 масни киселини, кои можат да бидат многу штетни за цревната флора. Ако го загревате, ладите и повторно го загревате маслото, се формираат производи за гликација, кои ги оштетуваат цревните ѕидови.
За цревата исто така е лош и шеќерот. Тој ги храни несаканите микроорганизми во вашето црево, кои потоа ги истиснуваат добрите бактерии. Исто така, шеќерот нема хранлива вредност – всушност, најчесто сме во нутритивен дефицит откако ќе го свариме, бидејќи ги трошиме хранливите материи само за да го разградиме. Сите шеќери се лоши за здравјето на цревата. Се покажа дека сирупот од пченка со висока фруктоза, кој е високопреработен производ, е многу штетен за составот на цревната микрофлора. Суровиот (непастеризиран) мед и вистинскиот јаворов сируп во мали количества може да имаат одредени хранливи придобивки, но сепак содржат многу шеќер.
