Поранешниот американски претседател и републикански претседателски кандидат Доналд Трамп вети дека, доколку биде избран, ќе формира независна претседателска комисија за обиди за атентат, од која ќе побара да ги објави сите преостанати документи поврзани со атентатот на поранешниот американски претседател Џон Кенеди.
Трамп ова го изјави на предизборен митинг во Аризона, каде вчера се појави заедно со Роберт Кенеди Јуниор.
-Комисијата ќе спроведе и ригорозна анализа на нападите од минатиот месец – рече Трамп, мислејќи на нападот врз него на митинг во Пенсилванија.
