Поранешниот премиер на Дагестан, Магомед Абдулаев загинал во сообраќајна несреќа во Махачкала, додека поминувал улица надвор од обележаниот пешачки премин.
Тој бил прегазен од Лада нива, а возилото било управувано од 55-годишен маж. Тој веднаш бил пренесен во болница, каде и починал.
Абдулаев беше близок со поранешниот руски претседател и премиер Димитри Медведев, а беше и жесток поборник на војната во Украина.
Абдулаев беше премиер на Дагестан од 2010 до 2013 година. Против него во 2015 година беше поведена кривична постапка за злоупотреба на службената положба. Според истражителите, тој го оштетил Универзитетот за повеќе од 20 милиони рубли, наменети за исплата на паушали студентите. Истрагата беше завршена во 2017 година, но немаше судење.
