На автопатот Скопје-Тетово вчера околу 15 часот се случила сообраќајна незгода.
Во истата учествувале патничко моторно возило „Опел Астра“ со тетовски регистерски таблици управувано од Н.А.(64) од село Доброште и патничко моторно „Форд“ со скопски регистерски таблици управувано од Н.Р.(25) од Тетово.
Н.Р. се здобил со повреди и бил пренесен во Клиничката болница во Тетово, а по укажаната лекарска помош бил пуштен на домашно лекување.
Увид на местото на настанот извршила увидна екипа од СВР-Тетово и се работи на целосно расчистување на случајот.
