Воен камион кој превезувал муниција од фабриката за распрскувачки материјали во Турција која експлодираше минатата недела, експлодираше денеска при што загинаа три лица, а повредени се шест други, пренесува РТ.
Распрскувачките материјали и неексплодираната муниција се транспортираат во каменолом за да бидат уништени, но кога камионот стигнал до својата дестинација, дел од распрскувачките материјали експлодирале без предупредување.
Снимките на очевидци од областа ги покажуваат последиците од смртоносната несреќа, додека десетици возила за итни случаи се движат кон местото на настанот. Жителите од околните населени места ја слушнале жестоката експлозија и снимиле огромен облак чад што се кренал од експлодираниот камион.
– Се случи експлозија во каменоломот во квартот Таскисиги во областа Сакарја-Хендек како резултат на инструкциите на Главното јавно обвинителство. Тројца наши вработени во жандармеријата, вклучувајќи го и тимот за депонирање на експлозиви, загинаа и шестмина се повредени – се вели во соопштението на турското МВР.
Експлозијата доаѓа откако седум лица го загубија животот, а уште 126 беа повредени во експлозијата во фабриката за распрскувачки материјали во провинцијата Сакарја минатата недела.
