На атмосферата во домот влијаат многу фактори, од менталната состојба на домаќинството до големината на прозорците, висината на таванот и бојата на тапетите. Но не само тоа! Чистотата е исто така важна – и препорачливо е да се ослободите не само од нечистотијата и правот туку и од некои работи што одамна се бескорисни. Психологот Анастасија Корнеева идентификуваше неколку работи што можат да бидат виновници за вашето лошо расположение.
1. Валкани работи: Извалканите огледала, правливите површини, заматените прозорци, обоените ѕидови и дамките на мебелот лошо влијаат на психата и ни ја крадат енергијата. Со редовно чистење на станот, го чистите и вашиот ум.
2. Скршени работи: Ако не можете да се натерате да ги фрлите чиниите со пукнатини, украсните фигури со скршен дел, старите украсни перници и други дотраени предмети, немојте да се чудите што вашето расположение често е променливо.
3. Работи што ве поврзуваат со нешто непријатно: Подарок од бившиот партнер што одамна не сте го користеле, ситници што им припаѓаат на починати личности или магнети за фрижидер од не баш убаво патување… На потсвесно ниво, сите овие предмети предизвикуваат одредени асоцијации, односно негативни емоции што нѐ прават несреќни.
4. Депресивни бои: Има „опасни“ бои што можат да влијаат премногу агресивно. На пример, портокаловата боја го зголемува апетитот, а црвената предизвикува агресија и страст. Дизајнерите, заедно со психолозите, препорачуваат да не се избираат комбинации како црвена и црна за декор, бидејќи тоа може да предизвика вознемиреност и прекумерна раздразливост.
5. Натрупани работи: Ако треба да прескокнете куп чевли во ходникот или да поминете врз куп работи за да ѝ се восхитувате на глетката од балконот, вашето тело е принудено да произведува хормон на стрес – кортизол. Тоа ви помага да се справите со неволјите во итни ситуации, но ве прави агресивни, исцрпени и раздразливи во секојдневниот живот.
