Колагенот е протеин што ѝ дава на кожата структура и еластичност. Како што старееме така произведуваме помалку колаген, па оттука и тенденцијата за брчки и други состојби на кожата. Клучната разлика помеѓу колагенот во суплементите и во храната се сведува на биорасположливоста – способноста на телото да ги користи хранливите материи. Храната како супа од коски содржи биодостапна форма на колаген што телото може да го користи веднаш, што ја прави подобра од додатоците.
1. Пилешко месо: Има причина зошто многу додатоци на колаген се добиени од пилешко месо, тоа е релативно богато со протеини. Сврзувачкото ткиво го прави пилешкото месо богат извор на колаген во исхраната. Сепак, содржината на колаген варира помеѓу различни делови од пилешкото месо. На пример, месото од нозете и од батаците содржи повеќе колаген отколку белото месо.
2. Риба: Како и другите животни, рибите имаат коски и лигаменти составени од колаген, а кај многу поединци колагенот од риба најлесно се апсорбира. Сепак, самото месо од риба има помалку колаген од оние делови како што се крлушките од рибата.
3. Белки од јајца: Иако јајцата не содржат сврзувачко ткиво како многу други животински производи, белките имаат релативно високи количества пролин, една од аминокиселините неопходни за производство на колаген.
4. Агруми: Витаминот Ц игра голема улога во производството на проколаген, претходник на колагенот во телото, што значи дека може да помогне во синтезата на колаген. Цитрусните овошја како портокали, грејпфрут и лимони се полни со оваа хранлива материја.
5. Бобинки: Иако агрумите имаат тенденција да ја добиваат целата слава поради нивната содржина на витамин Ц, бобинките се уште еден одличен извор. Јагодите, малините, боровинките и капините се богати со важни хранливи материи што го стимулираат производството на колаген.
6. Лук: Лукот може да додаде повеќе од само вкус на вашиот оброк, тој исто така го стимулира производството на колаген. Имено, лукот е богат со сулфур, минерал во траги што помага во синтетизирање и спречување на разградувањето на колагенот.
7. Грав: Гравот е високопротеинска храна што често содржи лизин, една од аминокиселините потребни за синтеза на колаген. Покрај тоа, многу видови боранија се богати со хранливи материи потребни за производство на колаген.
