Министерството за надворешни работи на Русија соопшти дека самитот на НАТО во Вилнус, Литванија, го означил враќањето на алијансата кон размислувањата и шемите од времето на Студената војна, пренесe „Анадолија“.
Во соопштението на својата веб-страница, Министерството наведува дека Западот ги штити интересите на една милијарда жители на западните земји и се бори за својата хегемонија, обидувајќи се да го спречи формирањето на мултиполарен свет, вклучително и со воени средства.
– За Западот, поредокот заснован на правила е узурпирана привилегија за кршење на меѓународното право. Исходот од дејствијата на НАТО е добро познат, ширење на жаришта на нестабилност, уништување држави, див тероризам, неказнети воени злосторства, крв на цивили, вклучително и деца, бескрајни бегалски бранови – се вели во соопштението од Москва.
Москва соопшти дека Украина стана лидер во борбата на НАТО против Русија и дека и е ветено членство и оружје со долг дострел.
Се наведува и дека Грузија, Босна и Херцеговина и Молдавија се следните во редот за влез во НАТО, а Финска и Шведска се брзо прифатени и дека Арктикот се милитаризира.
– Блискиот Исток и Африка се прогласени за зона на стратешки интереси во која Вашингтон и неговите сојузници се обидуваат да наметнат свои наредби и да ги шушкаат ресурсите според докажаните неоколонијални обрасци. НАТО ги проширува пипалата во Индо-пацифичкиот регион под измислен изговор дека развојот на ситуацијата таму може директно да влијае на евроатлантската безбедност – се наведува во соопштението.
Земјите од НАТО најавија дека на Украина ќе и пружат воена и финансиска поддршка во војната против Русија, но врз основа на идното членство во Алијансата.
Ова беше решено на штотуку завршениот самит на НАТО во Вилнус, главниот град на Литванија. Лидерите на Алијансата подготвија нов пакет помош и безбедносни гаранции за Украина и ја ослободија од обврските што произлегуваат од Акцискиот план за членство во Алијансата.
