Постојат раси што се познати по својата независност и затвореност, поради што не се препорачуваат за луѓе што бараат куче што ќе можат да го галат со часови. Многу кучиња сакаат да се галат и сакаат да го поминуваат секој момент со своите сопственици, но тоа не е секогаш случај. Иако некои раси им се исклучително лојални на своите семејства, тоа не значи дека уживаат во физички контакт и си играат со нивните сопственици.
Авганистански пес: Елегантни кучиња со прекрасно долго крзно. Тие претходно биле одгледувани за лов, поради што се многу селективни при изборот кому ќе му обрнат внимание. Тие обично се поврзуваат само со една личност, на која се особено посветени и ги игнорираат другите.
Шиба ину: Една од најпопуларните јапонски раси на кучиња. Овие кучиња се познати по својата лојалност, но тоа не значи дека уживаат кога се гушкаат. Како и мачките, тие сами ќе им пријдат на сопствениците кога ќе посакаат внимание. Поради нивната независна природа и агресивност кон другите кучиња, најмногу уживаат во сопственото друштво.
Басет: Поради својата независност, овие кучиња не сакаат да покажуваат љубов, ниту кон своите сопственици ниту кон странци. Тие се многу активни и претпочитаат физички активности како трчање наместо галење.
Маламут: Маламутите од Алјаска биле одгледувани да влечат санки, поради што имаат силна работна етика и независен дух. Најмногу уживаат во физичките активности и не сакаат странци.
Шар пеи: Со нивните преслатки збрчкани лица, овие кучиња изгледаат како да се создадени за гушкање. Иако се заштитнички настроени кон своите семејства, не сакаат да покажуваат наклонетост и се агресивни кон странци и други кучиња.
Чау чау: Овие кучиња изгледаат како плишани мечиња, но тоа не значи дека сакаат да се галат. Тие се многу независни и често се однесуваат рамнодушно кон своите сопственици, додека можат да бидат агресивни кон странците.
