Патувањата имаат цел подобро да го илустрираат кинескиот пат кон модернизација, што беше предложено на 20-от Национален конгрес на Комунистичката партија на Кина во октомври, како на домашната така и на меѓународната сцена
Кинеските власти неодамна претставија едногодишна кампања за публицитет во која новинарите од новинските портали, блогерите и влијателните лица на социјалните медиуми ќе прават турнеи во областите што имаат корист од реформите во Кина за да ги покажат висококвалитетните развојни успеси на нацијата. Креаторите на содржини на интернет, вклучувајќи ги и оние што работат во новинските портали, како и комерцијалните веб-страници и платформи, ќе ги посетуваат местата во Шангај и Чонгчинг, како и провинциите Лиаонинг, Шандонг, Хенан и Гуангдонг, како што објави Канцеларијата на Централната комисија за прашања во сајбер-просторот на церемонијата на промоција во Пекинг.
Патувањата имаат цел подобро да го илустрираат кинескиот пат кон модернизација, што беше предложено на 20-от Национален конгрес на Комунистичката партија на Кина во октомври, како на домашната така и на меѓународната сцена, соопшти канцеларијата. Претставници за локален публицитет од провинциите, исто така, присуствуваа на церемонијата виртуелно и ги покажаа своите главни достигнувања и проекти. На пример, властите во Гуангдонг рекоа дека покраината е мостот на реформите и отворањето на Кина, кои започнаа кон крајот на 1970-тите, додека Чонгчинг го истакна нејзиниот брз развој како порта кон југозападна Кина.
Кампањата беше дел од напорите насочени кон промовирање на политиките на кинескиот претседател Си Џинпинг за социјализмот со кинески карактеристики за нова ера, а особено неговите ставови за интернет. Таа, исто така, имаше цел да го спроведе духот на 20-от Национален конгрес на Кинеската комунистичка партија и да се унапреди „висококвалитетната содржина на интернет“, се вели во соопштението на канцеларијата. Оттаму се додава дека има план што содржи 225 медиумски проекти, кои спаѓаат во шест категории, вклучувајќи ги и оние што се фокусираат на политиките на кинескиот претседател, популаризирање на партиските гледишта и приказ на кинеската интеграција во светот. Учесниците во кампањата ги опфаќаат водечките новински портали во земјата, како што се редакциите на дигиталните верзиите на весникот „Народен дневник“ на Централниот комитет на ККП, новинската агенција „Синхуа“ и „Чајна дејли“. Комерцијалните страници, како што е платформата „Кју-кју“ на технолошката компанија „Тенсент“ и платформите за објавување кратки видеоснимки „Доин“ и „Куаишоу“, исто така ќе претстават слични програми. Како дел од кампањата, „Чајна дејли“ ќе продолжи да објавува мини-документарен серијал наречен „Нова ера во Кина“, во која водечкиот весник на англиски јазик во земјата допира до странците што живеат во Кина и раскажува приказни за напредокот на државата низ нивните очи.
Со оглед на тоа што луѓето поминуваат во просек до околу 30 часа неделно на интернет, кинеските корисници сега надминуваат 1,05 милијарда часа, што е 74,4 отсто од вкупното население регистрирано на крајот на јуни, според бројките од Кинескиот информативен центар за интернет, јавната институција во рамките на кинеското министерството за индустрија и информатичка технологија.
