Претседателот на Фудбалскиот сојуз на Јапонија, Козо Ташима (62) е инфициран со коронавирусот.
– Ги добив резултатите од тестот кои потврдуваат дека сум позитивен на новата инфекција на коронавирусот – рече Ташима, кој е поранешен јапонски фудбалски репрезентативец.
Тој на третти овој месец присуствувал на конгресот на УЕФА во Амстердам.
– Во Амстердам и во Европа на почетокот на месецов опасноста од вирусот не беа толку големи, како сега. Сите се поздравуваа со ракување, со гушкање и бакнежи – рече Ташима.
За потсетување на истиот конгрес беше и делегација на ФФМ, предводена од претседателот Сејдини, а на конгресот со коронавирусот заразен беше и првиот човек на Фудбалскиот сојуз на Србија, Славиша Кокеза.
