Сите нови корисници на апликацијата можат да ја активираат без претходна посета
на експозитура со користење OneID.
Шпаркасе Банка АД Скопје ја лансира новата редизајнирана апликација за мобилно банкарство S-Banka, која носи ново подобрено корисничко искуство, а преку кампањата со слоганот „Прескокни го редот, плаќај со мобилна банка!“ се нагласува главната придобивка на апликацијата – нема повеќе чекање во редови, а банкарските услуги се на дофат 24/7. Апликацијата е со софистициран и минималистички дизајн, кој е создаден за да ја поедностави секојдневната потреба од банкарски услуги и ќе ги направи финансиските услуги побрзи и полесни.
Со новиот редизајн, S-Banka, апликацијата за мобилно банкарство на Шпаркасе
Банка, ја подобрува својата функционалност нудејќи им на клиентите низа предности какви што се:
поедноставен пристап до платежни сметки, картички, депозити и кредити
подобрен начин на плаќање и трансфери
подобрено менаџирање на картичките
нов темен режим (Dark Mode)
Новите корисници на S-Banka можат да активираат мобилно и електронско
банкарство без посета на експозитура, преку идентификација со OneID. Сите
корисници ќе имаат можност да ги уживаат веќе досегашните можности какви што
се: промена на лимити за плаќање без посета на експозитура како и одличните
функционалности „Плати на пријател“ и „Подели сметка“.
– Продолжуваме да инвестираме во дигитализација и во современи решенија што
им ги олеснуваат секојдневните активности на нашите корисници и им
овозможуваат да имаат целосна контрола над своите финансии. Со новиот
редизајн на S-Banka, нашата цел е да ги направиме финансиските услуги уште
полесни и побрзи за нашите клиенти. Шпаркасе Банка преку визионерски пристап
во работата и примена на дигиталната трансформација, во иднина ќе додаде
многу нови поволности во апликацијата S-Banka што постојано ќе се
надополнуваат и со тоа ја потврдуваме нашата мисија – секогаш да ги
пресретнеме и да ги исполниме потребите на нашите клиенти – изјави Ивана
Петревска, директор на Дирекцијата за маркетинг и комуникации на Шпаркасе
Банка.
Апликацијата е достапна за преземање за оперативните системи Android OS и iOS.
