На банкоматите на дел од банките не може да се подигнат пари, а проблеми има и со плаќање со картички, се жалат граѓаните. Од Македонската банкарска асоцијација, во име на членките, информираат дека до моментот на праќање на соопштението (27 јули 2023, во 13 часот и 57 минути) дел од услугите на нивните членки, поврзани со картичните брендови VISA и MasterCard се недостапни – на банкомат или во трговија.
-Како и досега, средствата на клиентите на банките се достапни во сите експозитури и филијали. Членките на Македонската банкарска асоцијација се во интензивна комуникација со картичните брендови VISA и MasterCard, и од досегашните анализи може да се каже дека причината за проблемот не е поврзана со националните телеком оператори, ниту со поединечните системи на банките. По добивање покомплетни сознанија, јавноста навремено ќе биде известена од страна на Македонската банкарска асоцијација. Се надеваме на брзо нормализирање на сервисите – велат оттаму.
