Домување
Чистењето на рерната е тешка работа што обично трае неколку часа, во зависност од тоа колку е валкана и обично бара многу средства за чистење за да се отстранат тврдокорните дамки. Сепак, постои поедноставно решение за овој проблем.
Хемикалиите што луѓето ги користат во кујната можат да останат на површините долго време доколку не се исчистат соодветно. Затоа, не е лошо да имате уште едно природно решение како што е лимонот, кој ќе ви помогне да се ослободите од тврдокорните дамки во кујната.
За полесно и побрзо чистење на рерната ќе ви треба само лимон. Исечете го лимонот на половина и нанесете го на внатрешната страна на рерната. Потоа затворете ја рерната и вклучете ја на 200 степени. Оставете да дејствува околу 20 минути.
Ако вашата рерна има опција за вентилатор, ефектот ќе биде уште подобар. По 20 минути исклучете ја рерната и отворете ја да се излади побрзо. Потоа земете влажна крпа и избришете ги маснотиите и остатоците од храната. Лимонот можете да го користите и при одржување на други кујнски површини, важно е веднаш потоа да ја соберете преостанатата пулпа за да не се залепи.
