При реновирање на бањата, малите промени и одлуки може да направат целиот простор да изгледа сосема поинаку. Особено кога станува збор за изборoт на керамичките плочки. Многу луѓе мислат дека за луксузен изглед во бањата е потребно да се потрошат многу пари на скапи материјали и опрема. Сепак, дизајнерите на ентериери истакнуваат дека еден едноставен трик со плочки може целосно да го промени впечатокот за просторот.
Станува збор за користење плочки од поголем формат и со што е можно потенки споеви. На тој начин површината изгледа порамномерно, просторот изгледа попространо, а бањата добива модерен и елегантен изглед, како што често се гледа во хотели и луксузни апартмани. Друг детаљ што придонесува за софистициран впечаток е изборот на споеви во нијанса што е можно послична на бојата на плочките. Кога споевите не се истакнуваат, ѕидовите и подот изгледаат похармонично и визуелно почисто.
