Новиот мотор на вода поставува рекорди за моќност. Автомобилот со два водородни мотори даде изненадувачки резултати, особено во контекст на декарбонизација на економијата низ која минуваме кога водородот станува важен протагонист. Производството на водород за енергетски цели е тема од глобален интерес. Всушност, во последниве години многу се зборува за зелениот водород како силен енергетски извор. Инвестициите во неговото производство се зголемуваат на глобално ниво. Во случајот со Шпанија, на пример, тие изнесуваат 20 отсто од инвестициите во новите светски проекти за водород во текот на првиот квартал од 2022 година.
Според податоците на Вуд Мекензи, до крајот на 2022 година проектите поврзани со овој елемент го зголемиле нивното производство за вкупно 11,1 милиони метрички тони годишно. Што содржи овој воден мотор за да продуцира толкава енергија? Овој мотор всушност не го отфрла водородот, туку го користи во своја полза. Австриската компанија „АВЛ Рејстек“ разви моќен мотор со согорување на водород. Изум што покажува дека овој тип на модел може да се пофали со одлични перформанси и да се користи како алтернатива на електричните возила. Понатаму, има потенцијал за употреба кај тркачките автомобили. Се појави како резултат на соработката на инженерите од лабораторијата ХУМДА во Унгарија. Овој иновативен мотор што согорува водород донесува новина што го прави посебен, а тоа е системот за вшприцување вода. Со овој додаток, проблемот со моќноста традиционално поврзан со овие типови мотори е решен.
Како работи моторот за вода што го револуционизира пазарот?
Системот „порт фјуел инекшн“ вметнува традиционална вода во системот за довод на воздух на моторот, спречувајќи предвремено палење што може да ја оштети компонентата и постигнува стехиометриско согорување. Со други зборови, ова значи дека добиените соодноси воздух-гориво се повеќе или помалку фиксни.
Резултатот од оваа исцрпна работа е дволитарски водороден мотор што произведува 410 КС и 500 њутнметри вртежен момент помеѓу 3.000 и 4.000 вртежи во минута, постигнувајќи специфична густина на моќност од приближно 205 КС на литар. Врз основа на вистински тестови, се гарантира дека моторот ќе може да се натпреварува во автомобилските трки на високо ниво.
– Резултатите добиени од нашиот тркачки мотор H2 потврдуваат дека сме во состојба да понудиме исклучително конкурентен пакет со оваа технологија – објаснува Елен Лор, директорка на „Моторспорт АВЛ“, која е поранешен професионален возач на трки.
Моторите со согорување на водород служат за многу повеќе од само користење во трките. Тие исто така можат да помогнат да се ублажи транзицијата кон возила со нулта емисија. На овој начин, наједноставниот и најзастапен хемиски елемент на Земјата прави уште еден чекор во автомобилскиот свет. Оние што отсекогаш верувале во потенцијалот на водородот, во моторот на вода ја гледаат победата.
