Малку истражувања покажуваат колку користењето на вашата максимална сила за време на секоја тренинг-сесија е всушност корисно, а многу повеќе објаснуваат зошто е тоа контрапродуктивно. На некој начин, ова всушност ги отежнува работите. Каде точно е границата?
Добар тренинг може да се направи и во 30 минути. Всушност, еден неодамнешен труд на Американскиот национален здравствен институт посочува дека помалку од 45 минути вежбање неделно доведува до „значително зголемување на силата и издржливоста“. Според тоа, три сесии во неделата од 13 минути, во период од осум недели, доведуваат до „резултати слични на оние постигнати со многу поголема посветеност на времето“. Истражувачите забележуваат дека подолгото тренирање води до поголем раст на мускулите, но важно е дека не се препорачуваат вежби со висок интензитет подолги од 90 минути – особено без храна.
Ако сметате дека можете да направите повеќе вежби, се препорачува да направите уште една или две сесии, но не повеќе од тоа. Ова ги турка вашето тело и мускули надвор од удобната зона и постепено ги преоптоварува, иако можеби не би почувствувале замор.
Доколку мислите дека не можете да завршите повеќе вежби по првите неколку сложени движења, најверојатно веќе сте ги преоптовариле. Ако, пак, ја завршите вежбата со чувство дека вашето тело всушност може да направи многу повеќе, можеби треба да се обидете да се приближите до оние 80 отсто од личниот максимум, но да не се оди „докрај“.
