Американското Министерство за одбрана соопшти дека околу 2.000 припадници на војската се во „висока готовност“ поради случувањата на Блискиот Исток.
Сепак, не е донесена официјална одлука за нивното распоредување – рече заменик-секретарот за односи со медиумите Сабрина Синг во соопштението.
Синг рече дека распоредувањето на ударната група на носачот на авиони Џералд Р. Форд, која се ближи до крајот на своето шестмесечно распоредување во областа на американската европска команда, ќе биде продолжено.
