Според најновите статистички податоци на индиското министерство за трговија и индустрија, Русија првпат во историјата влезе во првите пет трговски партнери на Индија – обемот на трговската размена меѓу земјите во 2022 година достигна 38,4 милијарди долари. Истовремено, важно е да се напомене дека двете земји планираат да остварат трговска размена, сѐ уште изразена во американски долари, во износ од 30 милијарди долари само во 2025 година, што јасно укажува на видот на зголемувањето и динамиката што се вклучени
Нови силни раздвижувања во глобалната трговија со нафта
Директорот на водечката руска нафтена компанија „Роснефт“, Игор Сечин, ја посети Индија и се согласи да ја зголеми испораката на нафта во таа земја, која стана еден од најголемите увозници на овој руски енергетски производ откако САД и ЕУ го забранија неговиот увоз, а при сето тоа Г7 воведе горна граница на цените за трети земји.
Директорот на нафтената компанија „Роснефт“, Сечин, ја договорил оваа работа за време на состанокот со претседателот на Индиската нафтена корпорација, Шрикант Махав Ваидија.
„Роснефт“ во своето соопштение за медиумите наведе дека за време на состанокот, „’Роснефт’ и Индиската нафтена корпорација потпишаа договор за значително зголемување на понудата на индиска нафта и диверзификација на нејзините типови“. Документот го потпишаа извршниот директор на „Роснефт“, Игор Сечин, и претседателот на Индиската нафтена корпорација, Шрикант Махав Ваидија. Церемонијата на потпишување се одржа во присуство на индискиот министер за нафта и природен гас Хардип С. Пури
Отворени прашања за меѓусебните порамнувања во националните валути – рубља и рупија.Посебно внимание им беше посветено на прашањата за меѓусебните порамнувања во националните валути (рубља, рупија) и спроведувањето заеднички проекти на „Роснефт“ и индиските партнери, вклучувајќи ги „Сахалин-1“, „Таас-Јурјах“ и „Ванкорнефт“.
Брзиот раст на испораките на нафта од Русија во Индија веќе доведе до зголемување на трговијата меѓу земјите.
Според најновите статистички податоци на индиското министерство за трговија и индустрија, Русија првпат во историјата влезе во првите пет трговски партнери на Индија – обемот на трговската размена меѓу земјите во 2022 година достигна 38,4 милијарди долари. Истовремено, важно е да се напомене дека двете земји планираат да остварат трговска размена, сѐ уште изразена во американски долари, во износ од 30 милијарди долари само во 2025 година, што јасно укажува на видот на зголемувањето и динамиката што се вклучени.
Според рускиот вицепремиер Александар Новак, „извозот на руска нафта во Индија е зголемен за неверојатни 22 пати“.
Индија е новиот крупен играч во глобалната трговија со нафта
Индија повторно извезува руска нафта на Запад, пред сѐ во Европската Унија и Бразил.
Светот едноставно не може да живее без руска нафта, а тоа го призна и Вашингтон, кој, сепак, со поставување повисоки цени за руската извозна нафта сака да ги намали приходите на рускиот државен буџет.
Освен Индија, која е, така да се каже, легален „нов играч“ во глобалната трговија со нафта, Москва брзо ја зголемува сопствената (легална) флота на танкери, која има цел да ги намали загубите што ги има поради „посредниците“ што мора да ги земат предвид санкциите што ги спроведуваат западните осигурителни компании и нивните придружни логистички центри, т.е. пристаништа за претовар – со што се зголемува цената на нивните услуги.
Значењето на т.н. петродолар
САД и пред оваа состојба од нафтениот пазар увезуваа многу мало количество руска нафта (околу 5 отсто од вкупниот увоз), така што сега Америка не трпи големи последици. Но ова не важи за ЕУ, каде што руската линија за снабдување со нафта беше главна, најбезбедна и најевтина со децении, а некои членки на нејзиното источно крило сè уште се речиси целосно зависни од руската нафта, поради што воведоа т.н. исклучоци од санкциите. Тоа значи дека Брисел сè уште им дозволува да увезуваат руска нафта, но само преку цевководи, а не преку танкери.
Сепак, последиците од антируските санкции почнуваат да имаат сè посилен ефект врз глобалниот процес на дедоларизација, а „петродоларот“ и контролата на глобалните енергетски текови беа основа на американската економска сила и глобалната моќ со децении. Тоа веќе предизвикува загриженост кај одредени американски аналитички експерти.
Според нив, ова е една од главните причини зошто Вашингтон го отфрла притисокот (пред сè од ЕУ) за конфискација на рускиот државен имот и негово предавање на Украина, со оглед на тоа што тоа секако ќе има негативен ефект врз другите земји што ги врзуваат своите финансиски резерви за американската валута.
