Топлите и влажни места никогаш не се добар избор за чување храна, а дополнителна причина е што молците сакаат такви места. Затоа никогаш не треба да ја чувате храната во кујнските плакари што се над шпоретот на кој готвите.
Најдобро е да се чува храната во посебни тегли со капаци. Храната во пластична амбалажа е лесен плен за молците, како и за другите инсекти, бидејќи тие лесно влегуваат внатре и ги положуваат своите ларви. Малите штетници се големи љубители на цели зрна, особено кафеав ориз, хелда, просо и брашно.
Молците не го поднесуваат мирисот на лаванда, кедар, цитронела и пачули. Прво исчистете сè добро, а потоа ставете капка масло на памук и ставете го во кујнските плакари.
Вистинската лаванда и лавандин, цитронелата, кедарот и пачулито ги одбиваат молците. Ставете капка есенцијално масло од лаванда на памук во шкафовите за храна. Направете приврзок од парче дрво и врвка, посипете го дрвото со неколку капки масло од пачули и закачете го приврзокот на закачалки во плакарот или во кујнскиот орман. Ако не го сакате мирисот на пачули, можете да додадете капка есенцијално масло од лимон или грејпфрут.
Освен за приготвување храна, лаворовите листови се одлични и за одбивање молци. Нивниот интензивен мирис ќе спречи молците да влезат во плакарот ако ги ставите во прозрачна вреќичка или ако ставите цели лисја директно на полицата.
